عرب كول تو جى
أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

عرب كول تو جى


 
موقغ عرب كول تو جىالرئيسيةس .و .جبحـثالأعضاءالمجموعاتالتسجيلدخول
للاعضاء يمكنهم كتبت موضوع فى اى قسم فى المنتدى:::: لو انت مش عضوء فى المنتدى يرجى تسجيل

شاطر | 
 

 شرح مهمة الخاتم السوبر بالصور كوست الرينج كويستت desert Expedition مهمه خاتم سوبر صور

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
refaatking2013
مشرف
مشرف
avatar

ذكر
العمر : العمر : : 25
عدد المشاركات عدد المشاركات : 10
نقاط نقاط : 20

مُساهمةموضوع: شرح مهمة الخاتم السوبر بالصور كوست الرينج كويستت desert Expedition مهمه خاتم سوبر صور   الأحد مارس 03, 2013 2:55 am








شرح مهمة الخاتم السوبر بالصور كوست الرينج كويستت desert Expedition مهمه خاتم سوبر صور


اول شئ وبداية الكلام
هو السلام
ونقول
السلام عليكم ورحمة الله وبركاته


النهارده جايب لكم مهمه ممتعه جدا جدا ان شاء الله نبتديها مع بعض وتكون مفيده والشرح يكون سهل على الجميع
ندخل فى المضمون على طول
بسم الله الرحمن الرحيم

اسم المهمة
desert Expedition
او
مهمة الخاتم السوبر
او
كوستة الرينج السوبر

اى كان المسمى

وتم شرح المهمة مسبقا بالفيديو هنا

شرح كويست الخاتم السوبر بالفيديو مهمة الرينج كوست Desert Expedition Quest فيديو

بداية المهم هنروح ناخدها الاول من الراجل بتاع المهمات فى السريع كده وزى ما ذكرنا اسمها desert expedition بعد ما خدنا مهمتنا ودنيتنا زى الفل والحياه جميله نطلع ع الديزرت سيتى
desert city
هناك هنروح عند راج اسمه مستر مومو Master Mo Mo
وده هنلاقيه فى الديزرت تدخل من جنب بتاع الاسلحه هتلاقيه ع اليمين ان شاء الله واقف هناك هو مبيمشيش خالص ودى صورته الراجل ده





[center][b]هنكلم الراجل ده هيقولك انه محتاج المساعده انت هتعمله فيها عنتر بن شداد وهتقوله وانا بحب اساعد الناس عشان انا راجل محترم والمهم الراجل هيقولك كتر خيرك يابنى هتقوله طلباتك ياسيد الناس هيديلك حاجه مهمه اوى ركز فيها واسمها Fervent pill
وانا صورتهالك يامعلمى اتفضل صورتها




وهيقولك عاوز 10 قرون اسمهم بالعنجليزى كده burnt bullhorn من وحوش البول مونستور ودول احنا عارفينهم اللى عاملين زى الخرفان دول فى المستك كاستل واسمهم Bull Monster هتقوله عونيه يا ريس وهتطلع ع المستك كاستل تموت فيهم عشان تجيب القرون بس هنا فى ملحوظه مهمه اوى

عشان القرون ( burnt bullhorn) تقع لأزم تدوس ع الحاجه اللى ادهالك اللى هى Fervent pill كليك يمين هتطلع تحتك نار القرون مبتقعش الا والنار دى تحتك دا مهم ملحوظه تانيه بأه ان انت لأزم تاخد معاك هيلث كتير لو الاكونت بتاعك الاتش بى بتاعه قليل لأن النار بتقعد دقيقه تقريبا طول الدقيقه دى بتنقصك حوالى 10% من الاتش بي ببتاعك من الدم يعنى والمفروض ان كل ما النار تختفى ندوس على الحاجه دى كليك يمين Fervent pill ودى صوره جماعيه لمكان الوحوش وشكلهم وكمان النار اللى تحتك وشكل القرون





زى ما اتفقنا هنجمع 10 قرون 10 burnt bullhorn ان شاء الله ونروح للراجل ده تانى اللى اسمه مستر مومو Master Mo Mo اللى فى الديزرت وطبعا عشان منحرمش حد من حاجه دى صورة بعد ما رجعنالوا ومعانا الحاجه اللى اخدناها منه فى الاول اللى قولنا اسمها Fervent pill والقرون اللى قولنا اسمها بالعنجليزى burnt bullhorn




حلو كلمنا الراجل وكله تمام الراجل هيفرح بينا طبعا هيدينا 100 سيلفر بحالهم لكن احنا موش بنعمل ده كله علشان الـ 100 سيلفر اكيد كنا موتنا فرخه وخدناهم
هنكمل كلام معاه هيدينا مرايا كده اسمها ghost mirror ودى صورتها

[/size]


وهيقولك انه محتاج 3 جوست ghost هتجيبهم لما تروح المكان ده (172.399) فى المستك كاستل تانى
هتلاقى حاجه لونها ابيض شكل كريستالة دى وهنشوف صورتها مع بعض اهى
[/size]


ملحوظه مهمه فى بعض المهمات بتقول ان مكان الوحوش هنا (172.399) هما والكريستاله لكن ده موش صحيح ناخد بالنا كويس
هتدوس على المرايه اللى اخدتها كليك يمين وانت واقف على الكريستاله دى وبعدين تروح للمكان ده
(102.392)
هتلاقى كريستاله تانيه و
هيطلعلك وحوش اسمهم Mad Bulls هتموتهم عشان تجيب منهم الجوست بس لأزم الوحش يكون لامس الكريستاله عشان يوقعلك جوست
ودى صورة الكرستاله والجوست بعد ما وقع من الوحوش معانا اهو اتنين جوست المطلوب تلاته بس انا صورت اتنين عشان اثبتلكم كلامى ان المكان التانى اهو اللى بناخد فيه الجوست والاجوست بيظهر فى الايتمز لوحده موش بينزل على الارض نشوف الصوره
[/size]


بعد ما جمعنا التلاته هوست هنرجع تانى الديزرت سيتى لماستر مومو هياخدهم مننا ان شاء الله ويدينا كمان 100 سيلفر الراجل ده فلوسه كتير ياجماعه حاولوا تكسبوه فى صفكم

المهم هيقولك روح موت وحش اسمة
Bull Master وهات القلب بتاعه وده طلب الراجل مننا اهو





الوحش ده بردوا فى المستك كاستل فى المكان ده
(168-359) تحديدا ودى صورته
[/size]


هنموته مهم يكون معانا بويزن لو احنا حاجه تانيه غير نينجا لأن فى الغالب هتأثر فيه بواحد يعنى ودى صورة الوحش بعد ما مات الحمد لله




بعد كده هنرجع تانى لماستر مومو اللى خانقنا من اول المهمه وبنكون انهينا اخر مرحله من مراحل المهم بنسلم الراجل القلب المطلوب وبيدينا اكس بى وسيلفر وبنرجع تانى نستلم هديتنا من الجوب سنتر
ومبروك علينا ال خاتم سوبر ليفل 110 يامعلمين ودى صورة الخاتم بعد ما خدناه الحمد لله
[/size]


مره تانيه مبروك عليك الرينج السوبر مقدما ولا نقول عليه بأسمه سوبر درجون رينج
اشوفكم فى مهمة جديده ان شاء الله مع اطيب وارق الامنيات

[

♥♥♥♥♥ تــــــــوقــيع ♥♥♥♥♥
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
mido2013
مشرف
مشرف
avatar

ذكر
عدد المشاركات عدد المشاركات : 7
نقاط نقاط : 13

مُساهمةموضوع: رد: شرح مهمة الخاتم السوبر بالصور كوست الرينج كويستت desert Expedition مهمه خاتم سوبر صور   الأحد مارس 03, 2013 4:21 pm

شكرا على الشرح الجميل ده
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
شرح مهمة الخاتم السوبر بالصور كوست الرينج كويستت desert Expedition مهمه خاتم سوبر صور
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1
 مواضيع مماثلة
-
» شرح بعض مهمات الجوب سنتر بالفيديو من شركة ~TQ~

صلاحيات هذا المنتدى:لاتستطيع الرد على المواضيع في هذا المنتدى
عرب كول تو جى :: قسم تحميل العاب arabseedgames.net :PC :: مهماة كونكر-
انتقل الى: